Crazy Horse

Crazy Horse (boarisch: varuckts Roß, auf Lakota: Tashunke Witko [weatli: Sei Roß is varruckt], * um 1839; † 5. Septemba 1877 z Fort Robinson, Nebraska) woa a berihmta Haiptling vo de Lakota-Indiana (vo da Oglala-Sippm). A Stamm wo zua Hauptgruppm vo de Sioux gheat.

Da Oat und s Datum vo da Gebuat vom Crazy Horse san ned bekonnt. Ois Kind hod a an Nom "Curly" (Schneckal) griagt. Ois junga Mo hod a an Nom vo seim Vadda ognumma, dea wo aa Crazy Horse ghoassn hod. Sei Vadda hod si nacha ondasta gnennt. En Nom kennt a griagt hom, wei ra guad mit Wuidpfeadln (Mustangs) umgeh hod kena.